عاجل.. سمر حمزة تعلن اعتزال المصارعة بعد توديع أولمبياد طوكيو
أعلنت سمر حمزة، لاعبة المنتخب المصري للمصارعة، اعتزالها اللعب عقب الخروج من دور الـ16 بدورة الألعاب الأولمبية رقم 32 الصيفية المقامة خلال الفترة من 23 يوليو وحتى 8 أغسطس الجاري.
وكتبت “حمزة” عبر حسابها الشخصي على موقع التواصل الاجتماعي “إنستجرام” أنها اكتفت بخوض التجربة التي وصفتها بأنها علمتها الكثير.
وخسرت سمر حمزة في دور الـ16 أمام لاعبة منتخب روسيا “ناتاليا فوروبيفا” صاحبة ذهبية لندن 2012 وفضية ريو دي جانيرو 2016 في ثمن النهائي لوزن 76 كجم مصارعة حرة بنتيجة 16-12 قبل أن تخسر لاعبة روسيا في المواجهة التالية بربع النهائي من لاعبة قيرغستان “أيبيري ميديت كيزي” بعدم التكافؤ 12-0، لتودع سمر حمزة المنافسات رسميا وتفقد فرصة دخول دور الترضية والمنافسة على الميدالية البرونزية.
ووجهت لاعبة منتخب مصر رسالة قوية للمسؤولين عن الرياضة المصرية مفادها أن اللاعب وظيفته في الحياه هي التدريب فقط وليس القيام بدور الأشخاص المسؤولين عن مسيرته الرياضية.
وكتبت هذه التدوينة:
تعالوا نحكي حدوته صغننه كده هتعجبكم سمر حمزه بدأت مصارعه اخر ٢٠١٣ كان عندها 18 سنه لعبت اول بطوله دوليه ليها 2014 كانت بطوله افريقيا اخدت فيها اول ومن بعدها لحد دلوقت اول افريقيا ال عمرها ما حصلت اصلا في المصارعه النسائيه ان بنت تاخد اول باستمرار وبالذات في الميزان 76 كجم شاركت في بطولات دوليه وحققت نتايج مستمره اول بحر متوسط 2015 تالت جائزه كبري 2016 خامس بطوله بولندا المفتوحه رابع دورت التضامن الإسلامي 2017 تم اختيارها من قارة افريقيا وشاركت في دوري محترفين في الهند اول بحر متوسط 2018 تالت دورت بحر متوسط 2018 لحد ما وصلت ل قبل نهائي ف بطولة عالم كبار واول بنت مصريه توصل وتحقق خامس عالم كبار المركز التامن في بطولة العالم تحت 23 سنة لحد هنا كان مجهود شخصي مع المدرب نخش علي الجزء ال فاضل تم عقد راعايه من شركة روابط من 2019 شاركت ف بطوله الجايزه وحصلت ع برونز تالت دورت الالعاب الإفريقية 2020 بح فاضيه مفيهاش غير افريقيا 2021 تاني بطولة التصنيف العالمي المركز الأول في البطوله المؤهله واتأهلت للالمبياد المداليه البرونز في بطوله دانكلوف المداليه الدهب ف بطوله الجايزه الكبري المداليه الدهب في بطوله سارساري ايطاليا كام معسكر سمر طلعته في عمرها ال من 2013 لحد دلوقت 4معسكرات مديت المعسكر قد ايه عشر ايام نشوف بقي ال بيلعبوا معانا!!!!!!!! وعمرهم ف اللعبه والفكر والروح بتاعت المنظومه ؟؟؟
انا كسمر حمزة فخورة جدا بالمصارعة النسائية في مصر. سعيدة ان المصارعة النسائية اصبحت علي الخريطة العالمية انا ابتديت العب مصارعة من 8 سنين شوفت انجازات كابتن كرم جابر وكابتن بوجي و من وقتها قررت اكون لاعبة مصارعة زيه لما العب من 8 سنين و في امكانات محدودة و متربتش علي فكر صناعة بطل اولمبي و اقدر اوصل لتصدر افريقية و خامس عالم كبار و بطولات دولية و مصنفة يبقا ده انجاز لكل بنت بتفكر تلعب مصارعة في مصر انا لعبت مصارعة بالصدفة وحلمت اكون بطلة اولمبية و اشتغلت علي نفسي كتير و استحملت تدريبات شاقة و نقد و تكسير عزيمة عشان اوصل لما وصلت عليه يمكن اكون متربتش علي ثقافة الفوز بس انا مقصرتش و استغليت كل فرصة اتيحت ليا.
شجعوا المصارعة النسائية عشان نربي جيل من البنات الصغيرين بفكر جديد و امكانات افضل و ثقافة مختلفة الرياضة مش بس ميدالية دي سنين طويلة من الكفاح و الشقا و التعب للمعلومة.
اللاعب وظيفتة في الحياه للتدريب فقط ليس القيام بدور الأشخاص المسؤولين عن مسيرتة الرياضه شكرا لكل حد وقف جمبي شكرا مدربي العظيم شكرا زميلي ال اتمرنوا معايا ومن هنا بعلن اني بكتفي شكرا للتجربة علمتني كتير.