خالد الغندور يكشف عن صفقة الزمالك التاريخية التي فشلت

كشف الإعلامي الرياضي خالد الغندور، عن صفقة الزمالك التاريخية التي أعلن عنها سابقًا، ولم تكلل بالنجاح.

وقال الغندور، فى برنامجه "اللعبة الحلوة" عبر إذاعة أون سبورت إف إم، "أنا قريب من مجلس الادارة ومكنتش عارف أن فى ايقاف قيد للزمالك غير من حسين لبيب فى التليفزيون".

وتابع، "كنت عارف أن الزمالك خلص وليد الكرتى لاعب الوداد وقالولى هنعلن عن التعاقد مع عبد الله السعيد خلاص".

وأضاف الغندور، "طب لما فيه ايقاف قيد تعاقدتوا مع عمر كمال عبد الواحد ليه ومحمود شبانة وحمدى النقاز ، وايه كمية القضايا اللى على الزمالك دى من أيام المجالس السابقة ووصلت لـ 300 مليون جنيه".

وشدد، " لو إدارات الزمالك بتمشى صح وتدفع اللى عليها وتنهى علاقاتها باللاعبين بدون أزمات مكنش ده بقى حالنا ، يعنى عشان لاعب زى حسام أشرف وأكاديمية حتى مش نادى فى الكاميرون نتوقف فترتين قيد، والمجلس الحالي جاب النقاز عشان عقوبته مش عشان فنياً".

وواصل الغندور حديثه قائلًا، "لو ظل القيد موقوف سوف يقوم الزمالك بإعارة الصفقات الجديدة، واللجنة اتصرفت صح فى أزمة حمدى النقاز مش ناقصين فلوس كمان ونعيره نستفيد فلوس كمان".

وأختتم تصريحاته قائلًا، "وعبد الله السعيد كان افضل يجى السنة دى طالما مش هيجى السنة دى يبقى مش مفيد السنة الجاية".