علا رشدي تكشف طقوسها اليومية مع أولادها في اليوم الدراسي

قالت الفنانة علا رشدي أنها سعيدة بانتظام العملية الدراسية في العام الجديد حضورياً دون وجود تعليم "أونلاين" مؤكدة أن هذا الامر مهم للام بشكل كبير وكشفت في لقاء مع برنامج "كلمة أخيرة" الذي تقدمه الاعلامية لميس الحديدي على شاشة "ON" كواليس يومها مع أبنائها أثناء الدراسة.

قالت علا: "بصحى 6 الصبح وافتح الشبابيك وابني بيحب المزيكا الكلاسيكية عشان أصحيه على أغاني "أندريا بوتشيلي" وأنا عودته عليها وحبها".

مضيفة ان ابنتها لا تسبب لها المتاعب اثناء استيقاظها قائلة: "ببدأ أجهز "اللونش بوكس" وأحط فيه أكل كتير والعيال بترجع من المدرسة بيه زي ما هو من غير أكل .

استطردت: بحاول أحط اللي بيحبوه عشان ياكلوه ومفيش فايدة بيقلولي مش عاوزين مكرونة ولا أي حاجة ولا ساندوتشات عاوزين ذرة أو بيضة مسلوقة أو كاجو سناكس  !

أكملت: كنا زمان بناخد ساندوتشات مربة وحلاوة وجبنة بعمل كل حاجة وبتعب وبلاقي اللونش بوكس زي ما هو "

وكشفت عن ما أسمته تقاليع اولاد في أكل المدرسة قائلة: "بنتي بتقلي حاجات غريبة شوفي الامهات بيعملوا إيه؟ بيقطعوا الجبنة على شكل أرنب أو الساندوتش على شكل فيل "

 وقاطعتها الحديدي مازحة: "إيه المحن ده؟! مين الام اللي تصحى الصبح تقطع الساندوتشات والجبنة على شكل وش أرنب "

لترد رشدي قائلة: "ما عنديش طاقة لده ولا أعملهم كده".