طعيمة يهاجم رضا عبد العال: "إهاناته مستمرة وتقليله من اللاعبين دمه تقيل"
هاجم الملحن أمير طعيمة، رضا عبد العال لاعب الأهلي والزمالك السابق، بسبب تصريحاته.
قال طعيمة، "اللي حضر كابتن رضا عبد العال هو كان لعيب حريف وشكل الكورة في رجله حلو وبس كده، يعني مالوش اي انجازات خارقة، ويكفي اني اقولك انه لعب مباراة دولية واحدة ولو بصيت على ويكيبديا هتلاقي ان اهم هدف سجله في حياته كان مع الاهلي في جمهورية شبين، اما كمدرب فطبعا معروف انه ما عملش اي حاجة في المجال ده".
واضاف، "انا مش ضد انه يكون محلل و يقول رأيه زي ما أي حد يقول رأيه، لأنه دمه خفيف وعنده قدر من الكاريزما، بس فكرة التعالي الدائم على اللاعبين اللي اقل لاعب فيهم عنده خبرة دولية قده الف مرة وفكرة انه عايز المدربين يستفيدوا من آرائه التدريبية الخارقة دي مش فاهمها".
واردف "وتاني يحلل براحته ما هو لازم نملى الهوا بس اهاناته المستمرة وتقليله من مجهود اللاعبين والمدربين بقى موضوع دمه تقيل".
وأتم "حالة العشوائية اللي موجودة في الاعلام الرياضي دي لازم تتقنن ويا بخت المديرين الفنيين الاجانب انهم مش مضطرين يسمعوا العبث اللي احنا بنسمعه ده".
بوابة روزاليوسف| أيمن عبد المجيد: مصر هي رمانة ميزان المنطقة