شريف منير: أنا راجل شرقي مقبلش مراتي تصرف عليا

أجاب الفنان شريف منير عن سؤال الإعلامية لميس الحديدي، الذي وجهته له قائلة: كراجل شرقي ممكن تقبل مراتك تصرف عليك؟ قائلا: “الست ما تصرفش أنا اللي أصرف ومش هيحصل استحالة” .

وشرح موقفه في لقاء ببرنامج "كلمة أخيرة" أن الجانب المتعاون في شخصية شريف صالح في مسلسل إجازة مفتوحة موجود في شخصيته: قائلاً: “جزء كبير جدًا من شخصية شريف صالح في المسلسل موجود جوايا أنا شخص متعاون في البيت وبلبس مريلة وبساعد في المطبخ في الحوض وبغسل أطباق وبنظف البيت وبرتب هدومي”.

وعن تعامله مع أبنائه قال: "عندي اسماء وفؤاد وفريدة وكاميليا والاخيرتين علموني إزاي أتعامل معاهم، بتبع معهم أسلوب التربية الحديثة بس مش أوي، بتناقش معاهم وآخد وأدي في الكلام، ولو ماجبش نتيجة ببقى ديكتاتور، بعض الأمور ممنوعة وببقى ديكتاتور."

ورداً على سؤال حول عمل الزوجة قال: مراتي مش بتشتغل.. والمرأة التي تعمل ولها كارير "غالبا" لا تتواءم مع شخصيتي، لما مراتي في بداية زواجنا قلتلها مش هقلك أقعدي ولا اشتغلي انتي لما تخلفي هتاخدي قرارك، بس أنا أرفض ابني يتربى مع "بيبي سيتر" وزوجتي تكون في العمل .

وعن من المسؤول عن النكد في البيت الرجل أم الست قال: “مش طول الوقت بنكد على مراتي.. لكن طول الوقت "بنكت" وأضحكهم في البيت”.