تيسير فهمي تكشف تفاصيل وفاة شقيقها في حريق مستشفى خاص (فيديو)

كشفت الفنانة تيسير فهمي، تفاصيل وفاة شقيقها ويدعى "علي" جراء حريق شب في مستشفى خاص، يوم الاثنين.

وقالت فهمي، خلال مداخلة مع الدكتور معتز عبد الفتاح مقدم برنامج "تحت الشمس" عبر قناة "الشمس": "أخويا كان المفروض يخرج من المستشفى النهارده، والصبح كنا رايحين عشان نخرجه لقينا المستشفى متشمع وفي بوليس ونيابة بعد ما حصل حريق جوه".

أضافت: "أنا مش عارفة إيه حصل بالظبط، قالوا إن اتنين اتخنقوا كانوا موجودين في الرعاية منهم أخويا، واتنين اتصابوا، لكن أنا معرفش الحريق سببه إيه ولا اتخنقوا من إيه وإزاي معرفوش يخرجوا المرضى.. كل دي حاجات إحنا مش عارفينها لحد ما تخلص تحقيقات النيابة".

تابعت: "تصريح الدفن لسه ماطلعش لحد دلوقتي عشان نقدر ندفنه.. في روايات كتير للواقعة لكن أنا مقدرش أفتي في شيء مشوفتوش بعيني، ننتظر تقرير النيابة حتى نعلم ما حدث".

اختتمت: "أخي كان تعافى وكان خارج النهارده من المستشفى وكنا رايحين ناخده الساعة 9 الصبح، لقيناه اتوفى واتنقل مستشفى إمبابة العام ليتم وضعه في الثلاجة حتى يخرج تصريح الدفن".

https://www.facebook.com/watch/?v=616765326112747