فرح الزاهد: 2021 بداية مولدي فنيًا.. وبتكسف أشوف أدواري

أكدت الفنانة فرح الزاهد أن عام 2021 له أهمية خاصة بالنسبة لها كونه شهد مولدها الفني.

وقالت فرح الزاهد، في لقاء متلفز: "بدايتي كانت في 2021 قبل كده معملتش أي حاجة وأنا في السنة دي حبيت حلمي"، مضيفة: "عملت أدوار كويسة خلال عام 2021 بس بتكسف أشوفها وبقول إيه اللي أنا عملته ده".

وواصلت فرح الزاهد: "قبل 2021 كنت عاوزة أوري الناس موهبتي وفي نفس القت مكنش فيه فرصة وكنت بحب المذاكرة أوي وكنت عاوزة أبقى دكتورة في الجامعة لكن فكرت أني لو ذاكرت بس هخفي موهبة جوايا وعملت "الطاووس"   ومخرج "الطاووس" فاروق عبد العزيز كان سبب في ده وقلتله خلتني أحب حلمي".

وعن مشاعرها لدى مشاركتها شقيقتها هنا الزاهد في مسلسل “حلوة الدنيا سكر”  قالت فرح الزاهد: "مكنتش هادفة لده بس المخرج قلها خلي أختك تبقى معاكي في دور أختك وصوتكوا زي بعض وكنت خايفة ومش حابة حد يقول "واسطة" وده حصل من أول ما نزل البوستر قالوا واسطة وشتموني لكن بعد ماشافاوا دوري   قالوا مش واسطة وأنتي موهوبة عشان كده كنت عاوزة أقولهم شوفوني واحكموا عليا".