محمد عطية يواجه انتقادات الجمهور بعد إعلانه اتباع النظام النباتي

تعرض الفنان محمد عطية، نجم برنامج المواهب "ستار أكاديمي" إلى انتقادات حادة بعد إعلانه اتباع النظام الغذائي النباتي والتوقف عن تناول اللحوم. 

وعبر محمد عطية عن تأذيه من أكل لحوم الحيوانات، لافتًا إلى قسوة طريقة ذبحها في عيد الأضحى. 

وأوضح في منشور عبر حسابه بموقع إنستجرام للصور: "بقالي أكثر من سنتين مسيطرة على دماغي فكرة إني مش قادر أكل كائن بيتحرك وبيحس وبيتألم.. مش قادر أكل كائن بيتحرك وبيحس وبيتألم وكل ما كنت اشوف فيديوهات الأضحية اللى بتنتشر وقت الاعياد بقرر إني خلاص مش عاوز أكون طرف في المعادلة دى بس كل مرة ما كنتش بنفذ ده.. من كام يوم قررت إنى أوقف أكل الحيوانات ومنتجاتها وبعيدا عن أن أغلب الناس في مجتمعنا هيسخروا من الفكرة أنا بعمل الحاجة اللى أقدر أكون بيها مرتاح.. وأكيد مش بحكم على أي حد بياكل لحوم .. كل واحد مرتاح فى حاجة يعملها".

وأردف: "وتلخيصا لنقاش حلال وحرام.. ما فيش حاجة بتحرم انى ما اكلش حيوانات أو أعمل حاجة تريح ضميرى تجاه الحيوانات.. أنا كنت بحس بتناقض وأنا بحب الحيوانات وبدافع عن حقوقهم وأرجع آكل فراخ أو لحمة.. والنقاشات اللي حوالين الموضوع لا تعنيني بشيء لأن الحقيقة أنا بدور على راحتي نفسيا قبل أي حاجة.. المهم عشان الناس اللى بتبعت تسألني.. أيوة انا قررت أبقى ڤيجن".

ورد عليه متابعو حسابه في انستجرام بتعليقات مثل: "الأضحية اللي بتصير بالأعياد هي من أمر الله تعالى إذا عندك مشكله بالموضوع ما تعترض ع أوامر الله صير شو ما بدك بدون ما تنتقد شرع ربنا".

وقالت أخرى: "مينفعش جسم الانسان محتاج بروتين حيواني".