عمر كمال يرد.. بعد قرار نقابة المهن الموسيقية بوقفه عن الغناء
عمر كمال، مطرب المهرجانات الشعبية، أثار زوبعة جديدة، ما دفع نقابة المهن الموسيقية، لايقافه عن الغناء بعد تصريحاته عن النقابة في أحد اللقاءات التليفزيونية التي هاجم خلالها النقيب هاني شاكر.
إيقاف عمر كمال بعد تصريحاته
وجاء قرار مجلس نقابة المهن الموسيقية، بإيقاف عمر كمال بعد تصريحاته على الفضائيات التي هاجم فيها النقيب هاني شاكر، وسيتم إيقافه حتى تحديد موعد التحقيق معه بنقابة المهن الموسيقية بتاريخ 20 فبراير الجاري.
وبدوره، علق عمر كمال، على قرار نقابة المهن الموسيقية بوقفه عن الغناء، قائلا: "أنا كنت في حفلة في واشنطن وكان في شوية جمهور عايزين يدخلوا الحفلة هنا ولكن الحفلة كانت ممتلئة بالكامل وهنا الأمن بنظام عشان كورونا فمنعهم من الدخول وحصلت مشكلة والأمن فضها"، مضيفا: "بعد كده لقيت إعلاميين بيقولوا دي خناقة بارات وخناقة شوارع ودول بتوع المهرجانات".
وتابع كمال خلال لقاء متلفز: "بالأمس كنت في كروز مع النجم راغب علامة والنجمة إليسا ونانسي عجرم وقبلها كنت في هيوستن وكاليفورنيا، وممكن حضرتك تحكم دي قهاوي بلدي ولا مسارح محترمة"، موضحا: "طلعت أدافع عن نفسي في فيديو لايف لأن في حفلة من الحفلات كانت هتتلغي بسبب الكلام دا والناس قالولي يا عمر الناس بتقول أن حفلاتك مفيهاش أمن".
وأضاف: "طلعت في الفيديو قلت إني راجل محترم وتعبت لحد ما أخدت فيزا أمريكا بعد شقا مفيش أصلا مواعيد، لقيت واحد بيقولي هاني شاكر هيمرجحك لما ترجع، قولتله لا أنا راجل محترم وهاني شاكر مش هيمرجحني هو بيمرجح اللي مش كويس"، مبينا: "لقيت واحد تاني بيقولي هاني شاكر هيقطعلك تذكرة رجوعك لمصر قولتله لا يا حبيبي أنا المتعهد بتاعي قاطعلي تذكرة رجوعي لمصر، وأخرى بتقولي أصل أحنا داخلين على نص الليل روح توب وصلي، قولتله روحي حضرتك إنتي صلي وسيبيني بعد اللايف أصلي ودا كل اللي حصل".
وأردف كمال: "دا كل كلامي وبعدها لقيت بيان طالع على المواقع إني سكران وتحت تأثير الكحوليات"، متسائلا: "مين قال إني سكران ؟!"، مؤكدا: "مفيش أي اتصال رسمي حصلي واللي حصل نفس موضوع تمور وحليب اللي حصل قبل كده ودا اللي بيحصل دائمًا بنطلع قرار إيقاف".
وأكمل: "بعت فويس للاستاذ هاني شاكر لمدة 6 دقائق وقولتله إنت جزمتك فوق راسي ومستحيل حد يغلط في حضرتك وبعت الرسالة أيضًا لكل أعضاء النقابة لأني مقدرش أغلط في حد لأني بشرف بلدي.. وأنا طالع قصاد 5 آلاف فرد ورافع علم مصر ومكنش في غير 2 بس اللي مصريين في الحفلة".