ريهام سعيد تدعم عمر كمال في أزمته.. وتوجه رسالة هجوم لمنتقديها

ريهام سعيد  الإعلامية الشهيرة وجهت رسالة صباح اليوم إلى مطرب المهرجات عمر كمال، خلال أزمته الحالية مع نقابة المهن الموسيقية وقرار وقفه عن الغناء. وكتبت سعيد عبر حسابها الشخصي إنستجرام:"مفيش حد جزمته فوق راسك، الرزق من عند ربنا مش من عند حد".

رسالة هجوم لمنتقدي ريهام سعيد

وكانت سعيد قد أثارت ضجة أمس بعد نشرها لرسالة هجوم على منتقديها ومن حاولوا تصدير أفكار خاطئة عنها، بحسب قولها، منتقدة الأخبار التي تنشر عنها في الصحف، قبل وبعد اعتزالها، وذلك من خلال حسابها الشخصي على موقع التواصل الاجتماعي فسيبوك.

وكتبت سعيد قائلة: "حسبي الله ونعم والوكيل في كل مفتري وفي كل أفاق ساهم أنه يقضي علي مجهود ناس استمر لسنين طويلة".

وتابعت: "حسبي الله ونعم الوكيل في كل واحد ساهم أنه يصدر فكره غلط عني وعن شخصيتي، حسبي الله ونعم الوكيل في كل واحد جاب سيأتي عشان يشدني لمشكلة وأطلع في الآخر بتاعت مشاكل لما يكون ليه رد فعل، حسبي الله ونعم الوكيل في كل واحد غلط فيه من غير سبب عشان كل ذنبي أني نجحت".

واستكملت قائلة: "حسبي الله ونعم الوكيل في كل واحد وقفت جنبه و اتخلي عني في وقت شده و عارفاهم بالاسم و مش هانس،  حسبي الله ونعم الوكيل في كل واحد مايعرفنيش وقال كلمة وحشة عني، حسبي الله ونعم الوكيل في كل صحفي كتب خبر في عز ازمتي عشان يقضي علي شغلي واسمي، حسبي الله ونعم الوكيل في الي اتسبب أن أطفال ماتت كل ما كان البرنامج بيقف، حسبي الله و نعم الًوكيل في كل واحد كتب بوست شتيمه عن جهل لما سمع و ماشافش المهم أن كل دول فاهمين أنهم انتصروا غلطانين".

عن اعتزالها 

وهاجمت سعيد من تسببوا في حبسها، معلقة: "أنا صحيح اعتزلت لكن انتوا كل يوم بتعرفوني قد ايه أنا ناجحة ومهمة و شاطرة، عرفتوني قيمة الحياة الحقيقية وهي الزوج و العيله والأولاد عرفتوني أن المتعة الحقيقية في طاعة الله وعبادته شكرا لكن اوعوا تستهونوا بحسبي الله ونعم الوكيل والله الحق راجع والأذى راجع تالت و متلت.اما بقي الي رماني في السجن ظلم ده حسابه عند ربنا عسير انا ام سبت ابني عنده شهر من غير رضاعه من غير ما اعمل اي حاجه".

ريهام سعيد تكشف سبب رسالتها

وحول سبب حديثها الآن حول تلك الأمور، أوضحت قائلة: "كتبت الكلام ده لاني تعبت من الافتري الي في كل حته و المصلحنجيه الي كانوا حواليه الي فص ملح و داب دلوقتي و الناس الي كسبت من ورايا ملايين ورموني في الأخر و خربوا بيتي".

واستطردت: "ماتصدقوش اي حاجه تنكتب او تتقال علي حد امشوا بكتاب ربنا. عارفه ان معنديش ضهر و لا علاقات و لا نفوذ لكن ايه رب اسمه الكريم العادل القهارانا ولا اخدت صور من علي موبايل و لا شتمت تخان و لا خطفت عيال و لا خليت التعلب يعيط، انا قضيت عمري في خدمه الناس الي هما اهلي يكفيني فخرا اني عمري ما كذبت ولا كنت بوشين دائما كنت بقول الحق يكفيني ان لغايت دلوقتي محدش عرف يحقق الي انا حققته من غير وسطه و لا امكانيات .انا عمر ما حد طلب مني حاحه معملتهاش بحب و اتقا، .يا رب يا رب يا رب اشوف حقي راجع من كل الي ظلمني قبل ما اموت".