حسام داغر عن حذف مشاهده في اللعبة: لو أعرف مكنتش صورت

أعرب الممثل حسام داغر عن غضبه من حذف بعض مشاهد شخصيته التي يجسدها في مسلسل "اللعبة"، بجزئه الثالث، الجاري عرضه حاليًا عبر إحدى المنصات الرقمية.

وقال حسام داغر، في منشور عبر حسابه بموقع فيسبوك: "أنا بحب شيكو جداً .. وبحب كاست اللعبة كله  بشكل عام .. بس انا مش مبسوط من دور رجب معاهم الجزء ده بسبب انه كان امتدادا لدوره في الجزء التاني وووافقت علي الجزء الجديد علي كلام ووعد من المجموعة أن دور رجب مكمل بسبب النجاح الي حققته الشخصية قبل كده".

وتابع حسام داغر: "ولاني ملتزم ادبيا بالشخصية اني اكملها معاهم وأنا صدقت كلامهم ودخلت التصوير علي الاساس ده و كان معانا عدد حلقات قليل".

وأضاف داغر: "لكن لقيت النتيجة غير كده وتواصلت مع المؤلف وفريق الكتابة وقلت لهم بالنص لو اعرف مكنتش دخلت تصوير من الاول…  لكن انا مش زعلان لان الحمدلله الناس عارف كويس مين حسام وعارفين شغلي عامل ازاي قبل كده".

وأنهى حسام داغر حديثه، بقوله: "في نفس الوقت أنا كنت متحمس للجزء التالت لما شيكو قالي انت احلي حاجة حصلت معايا في الجزء الي فات … انا حبيت بس اشاركم الي حصل خصوصاً ان دي أول مرة تحصل معايا .. لكن لسه الواحد بيتعلم و هيفضل يتعلم".

مسلسل اللعبة بطولة شيكو وهشام ماجد، مي كساب، ميرنا جميل، سامي مغاوري، عارفة عبدالرسول، محمد ثروت، أحمد فتحي، إخراج معتز التوني.