بدرية طلبة تهاجم طليق منة عرفة وتطالب بمقاضاته

هاجمت الفنانة بدرية طلبة، بطريقة غير مباشرة، المنتج محمود المهدي بعد إعلان طلاق زوجته الفنانة الشابة منة عرفة.

وقالت طلبة في تغريدة عبر حسابها بموقع تويتر للتدوينات القصيرة: "عايز تشتهر اطلع اشتم فنان عايز شهرة أكتر اشتم الوسط الفني عايز شهرة أكتر وأكتر لايڤات كتير، واشتم بتشتغل ايه؟ ممثل بنتج لنفسي بفلوسي متجوز مين؟؟ ممثلة طب بعد اللايڤات والشتيمة اتشهرت؟؟ لا لا طب عملت إيه؟"

 

وتابعت هجومها: "طلقت مراتي الممثلة! بجد ولا زي كل مرة؟ مش عارف هسألها أنا مش فاضي بتعمل إيه؟ طالع لايف يمكن المرة دي أتشهر لما الوسط الفني بالبشاعة دي بتتمحك فيه ليه؟ بطالب النقابة تقاضي أي حد يقل أدبه."

وأنهت بدرية طلبة كلامها قائلة: "ده حقنا عند نقابتنا كفاية بقى تلطيش وقلة أدب فينا مش هنفضل على نظام الحسنة تخص والسيئة تعم إحنا عندنا عيلة وأولاد وأحفاد مش كل شوية مريض شهرة يطلع يقل أدبه."

وأثار المنتج محمود المهدي الجدل بعد إعلان تطليقه الفنانة منة عرفة بعد خلافات عدة وقعت بينهما كان آخرها بسبب حمل الفنان محمد نجاتي زوجته حينها في أحد المشاهد.