الفنان سامي مغاروي يفسر حقيقة مرض نجله بالاكتئاب

رد الفنان سامي مغاوري في تصريحات صحفية سابقة عما نشره نجله عن حالته النفسية ملقبا نفسيته بمريض اكتئاب دخل على أثرها عزلة منزلية تامة.

معلقا: " إنتوا عارفين الشباب بيحبوا يعبّروا عن شعورهم من خلال الكتابة في صفحاتهم على مواقع التواصل الاجتماعي".

وأضاف: "سر تعرض كريم للاكتئاب هو أنه لن يشارك في أعمال فنية كثيرة في الماراثون الرمضاني المقبل، وسوق العمل في التمثيل تسيطر عليه مكاتب الكاستنج بنسبة كبيرة ولازم الفنان يدفع فلوس عشان يشتغل".

والجدير بالذكر أن كريم مغاورى قد نشر عبر حسابه الشخصي على فيس بوك مصرحا عن مرضه النفسي خلال الفترة الحالية، قائلا:" مش قادر أكون متفائل أو أكدب وأتظاهر إني متفائل أنا مريض اكتئاب وبتعالج منه وكان نفسي اكون قوي وأقدر أقاومه بس مقدرتش".

وأضاف مغاورى :"كان نفسي يكون ليا أي عمل في رمضان بس مفيش نصيب وراضي والحمد لله .. كان نفسي أعمل عمرة بس ربنا يكتبهالي على خير في وقت هو محدده".

وأوضح:" النهاردة نفسي اتكسرت كسرة وحشة قوي من إنسان غالي على قلبي وصاحب فضل عليا بعد ربنا بس خلاني قدام الناس أظهر بشكل أني انسان بتاع مشاكل ومش بسامح ورغم ده عملت اللي هو عايزه بنية صافية لوجه الله تعالى".

وتابع كريم مغاوري: "١٤ قرص منوم عشان أنام ومفيش فايدة يارب لو كان ده تكفير ذنوب أنا راضي والحمد لله والرزق بأيد ربنا وكسرة نفسي بطلب من ربنا يجبر بخاطري يارب".