فلوكس عن هشام سليم: أنضف واحد في المهنة دي

طالب الفنان أحمد فلوكس الجمهور بالدعاء للفنان هشام سليم بعد تداول أنباء عن تدهور حالته الصحية وإصابته بالسرطان.

وقال فلوكس في منشور عبر حسابه بموقع إنستجرام: "ارجو الدعاء لهشام سليم .... انضف و ارقي و ارجل واحد انا قابلتوا في المهنه دي ... اكتر واحد انسان .... بمعنه الكلمه ... صديقي .. و اخويا الكبير .. الراجل الجدع اللي في عز ما يكون مسافر و في اي حته الاقي تلفون بيرن بيطمن عليا".

وتابع فلوكس:"الاخ الحنين اللي مايسبش اخوه في وقت الديق و مش اي ديق .لا الضيق النفسي للانسان ... يا رب اشفيه و عافيه و سامحه و اغفرله و اعطيه القوه للمقاومه و الشفاء .. يا رب. ان زالت الانسانيه من عبادك فان عبدك هشام كان للانسان رووف و كان لك من المخلصين ..... ارجواء الدعاء له من قلبكم لان بجد الراجل ده انسان بمعني الكلمة".

جاء ذلك بعد انتشار العديد من الأنباء حول إصابة هشام سليم بالسرطان، ما أثار قلق محبيه ومتابعيه في مصر والوطن العربي، إلا أن هشام سليم خرج عن صمته لينفي ذلك، مؤكدا في تسجيل صوتي لأحد البرامج أن صحته جيدة ويستمتع بإجازة مع عائلته، وأضاف قائلاً: "أنا الحمد لله كويس، وقاعد في العين السخنة".

وأضاف سليم: "بيتهيأ لى السرطان اللى بتقولوا عليه دلوقتى أحسن من كوفيد والحاجات اللي بتضيع البني آدمين في 3 أيام، كل اللي يجيبه ربنا كويس وأنا بخير لحد دلوقتي والحمد لله وقاعد في السخنة".