لماذا اعتذر تامر حسني عن حفل إسبانيا في البداية؟.. وابنتاه تدعوان له
كشف المطرب تامر حسني كواليس الحفل الغنائي الذي أحياه مدينة ألميريا الإسبانية، والخاص بنادي ألميريا.
وأكد تامر حسني أنه اعتذر عن الحفل في البداية، موضحا: "لما اتعرض عليا الحدث دا اول قرار اخدته شركتي اننا نعتذر لإنه جمهور اسباني مش عربي و جمهور كره متعصب و بالطبع هيحتفلوا مع نجومهم المعروفه".
ومضى تامر حسني، قائلا في منشور عبر حسابه بموقع فيسبوك: "وفجأه قررت اننا هنروح و قولت لنفسي بجملة التحديات الصعبه اللي بدخلها مع نفسي اني اشوف حجم محبتي و تأثيري الفعلي على الجمهور الأجنبي طوال تاريخي هل بالفعل في محبه زي ما بقرأ تعليقاتهم على صفحاتي على مستوى العالم او هي معرفه قليله بما اني اغني بلغه عربيه ميعرفوهاش الحقيقه كانت بمثابة فرحه صادمه مش عارف استوعبها لهذه اللحظه".
وتابع تامر حسني: "وكل شويه ارجع اشوف الڤيديو ان يستقبلني الجمهور الأسباني بكل هذا الحب و بنفس حفاوة البلدان العربيه و عرب البلاد الأجنبيه كان شيء مفاجيء صادمي ليا انه يطلع بالشكل دا من كبار سن و اطفال و شباب و بنات و شعرت انها محبه منذ سنوات مثلما اشعر في اي بلد عربي و كل منهم يحاول ان يعبر بحبه باللغه الأسبانيه و طبعاً كان نفسي ارد عليهم بالأسباني بنفس الحفاوه و لكن رديت بالإنجليزي و كام كلمه اسباني : بشكر كل القائمين على الحدث العظيم دا و تمنياتي بالنجاح و الصعود الدائم لنادي الميريا يوم و تحدي مش هنساه في تاريخي الفني (الحمدلله ) ربنا بيعطي على قدر المجهود)".
وفي منشور آخر، قال تامر: "قبل صعودي المسرح للحفل الأسطوري لنادي الميريا بإسبانيا مش عارف انسى لحظة لما شافوني خايف عشان اول مره اواجه جمهور اسباني بالكامل و مكنتش عارف ازاي هيستقبلوني فكان باين عليا التوتر ففضلوا جانبي طول الوقت و بيدعولي و بيقولولي متخافش يا بابا لحد ما نزلت كواليس ارض الملعب متفائل بدعواتهم و طبعاً استاذ آدم معانا بس كان نايم كالعاده عشان الوقت كان متأخر. ربنا يخليكوا ليا يا فرحة عمري".