مرتضى منصور: طارق حامد سرق العقود

كتب - محمد عماد

اتهم مرتضى منصور رئيس نادي الزمالك، طارق حامد لاعب وسط الفريق الأول لكرة القدم بالنادي، بسرقة العقود الخاصة به.

وقال مرتضى: "عاوز تكمل في الزمالك يا طارق حامد رجع نسختين العقد اللي سرقتهم أنت وأحمد يحيى وكيلك وإلا التقدم ببلاغ للنيابة العامة".

تابع: "كلامي واضح يا طارق حامد بكرة الساعة واحدة ونصف أهلاً وسهلا ولو مش هتيجي ماشوفش وشك في نادي الزمالك".

واصل حديثه الموجه لطارق حامد: "يا بني الكلام ده ماتعملوش مع مرتضى منصور لأني من روض الفرج وشبرا وشغل اللؤم مش عليا".

أضاف: "باقول أهو أدام مصر كلها لو مجتش بكرة ماشوفكش في الزمالك تاني".