بالكلمات - سميرة سعيد تطرح أحدث أغنياتها "الساعة اتنين بالليل"

طرحت سميرة سعيد، الآن على اليوتيوب أغنيتها الثالثة الجديدة "الساعة اتنين بالليل "، وهى إحدى أغنيات ألبومها الجديد الذي قررت ان تطرح أغانيه على فترات متقاربة حتى ينتهى طرحه مع نهاية موسم الصيف.. أغنية "الساعة اتنين بالليل" من كلمات تامر حسين وألحان عزيز الشافعى وتوزيع وسام عبد المنعم، ومن إخراج نضال هانى وتوزيع ديجيتال ساوند.. وقد وصفتها سميرة سعيد بأنها أغنية خفيفة وبسيطة بالطابع المقسوم.

ومن المعروف أن سميرة سعيد طرحت من قبل أغنية "بحب معاك" من كلمات محمود طلعت، وألحان أحمد العدل، وتوزيع موسيقى أحمد حسام، ومن إخراج نضال هانى.. وأيضا أغنية "متاهة" من كلمات شادى نور، ألحان بلال سرور، توزيع موسيقى هانى ربيع، ومن إخراج نضال هانى.

كلمات الأغنية

الساعة اتنين بالليل

الساعة إتنين بالليل.. زهقانة

زهقانة والناس نايمين

طب أكلم مين في اصحابي

آه يانا

ما هيعملوا مش سامعين

هاخد عربيتي وأنزل

أسمع مزيكا وأعلي

قبل لما دموعي تنزل

ملوحدة ومللي حصلي

وأحسن لي ما أكلم حد

وواثقة إنه أكيد هيقولي

نامي وارتاحي دلوقتي

وهنتكلم بعدين

الميزة الميزة الميزة الميزة

الميزة تصاحب نفسك

تزعل تفرح مع نفسك

تحكيلها فآخر يومك

ليه تشيل حد همومك

ده أحسن ما تكلم حد

وواثق إنه أكيد هيقولك

نام وارتاح دلوقتي

وهنتكلم بعدين

لفيت عالنيل وصفيت

بوشوش طيبة حواليا

ولنفسي أوام غنيت

وصالحتها بالأغنية