قصة الخلاف الوحيد بين علي الحجار ومحمد الحلو

تحدث الفنان علي الحجار عن علاقة الصداقة الكبيرة، التي تجمعه بالفنان محمد الحلو، موضحا أنهما متفاهمان على الدوام، ولم يختلفا سوى مرة واحدة.

أوضح "الحجار" خلال حواره مع الفنان أمير كرارة، في برنامج "سهرانين"، على قناة ON، بحضور الفنان محمد الحلو، أنهما اختلفا بسبب مطرب آخر ألح على "الحجار" في تقديم أغنية "بلادي أنا ابنك"، لكن محمد الحلو كان رافضا لذلك بشدة.

أضاف أن محمد الشيخ ملحن هذه الأغنية، كان قد باعها لكليهما، واكتشفا ذلك لاحقا، فأصبحت الأغنية ملكهما سويا، وبالتالي لا يستطيع السماح لغيره بتقديمها بدون الرجوع للحلو، مضيفا: "الملحن باعها لنا إحنا الاتنين من ورا بعض، فبقت بتاعتنا سوا، وبقينا بنغنيها سوا في مكان ما، لكن كان في مطرب تالت نفسه يغنيها معانا وكل يوم يطلب مني ده".

تابع: "المطرب ده كل يوم يقول لي عاوزه أغنيها معاكم، لكن محمد الحلو يقول لي لأ مش هيغني هيبوظ الأغنية، وأنا أقوله الراجل بيتحايل عليا، لكن هو يقولي نوع الغنا والتلحين ده مش لايق على خامة صوته، المهم فضلت اتحايل عليه لحد ما وافق، وفعلا المطرب ده معرفش يقدمها صح، فقالي شفت مش قلت لك هيبوظها.. هضربكم أنتم الاتنين.. ومحمد إيده طويلة عموما".